बळीराम उबाळे यांच्या सेवापूर्तीनिमित्त राज्य गुणवंत कामगार असो. च्या वतीने सत्कार

Adiwasi kranti Marathi news
नांदेड- भाऊराव चव्हाण सहकारी साखर कारखाना प्रा. लि. देगाव- येळेगाव ता. अर्धापूर जि. नांदेड येथील
साखर निर्मिती विभागाचे पॅन इंचार्ज बळीराम संभाजी उबाळे हे वयाचे ५८ वर्षे पूर्ण करुन प्रदीर्घ सेवेनंतर
सेवानिवृत्त झाल्याबद्दल महाराष्ट्र राज्य गुणवंत कामगार असोसिएशन नांदेड जिल्हा शाखेच्यावतीने गाडेगाव येथे
त्यांच्या निवासस्थानी बळीराम संभाजी उबाळे व सौ. शोभाबाई बळीराम उबाळे यांचा असोसिएशनच्यावतीने
विभागीय संचालक तथा एसटी मेकॅनिक गुणवंत एच. मिसलवाड, नांदेड जिल्हाध्यक्ष रत्नाकर शिंदे पाटील,
जिल्हा सचिव पंडीत तेलंग यांच्या हस्ते शाल, पुष्पहाराने हृदय सत्कार करुन शुभेच्छा देण्यात आल्या.
बळीराम उबाळे यांनी आस्थापनेत कार्यरत राहून सामाजिक क्षेत्रामध्ये उल्लेखनीय कार्य केल्याबद्दल
२०१० मध्ये महाराष्ट्र शासन कामगार कल्याण मंडळाचा गुणवंत कामगार पुरस्कार मिळालेला असून ते सध्या
राज्य गुणवंत कामगार असोसिएशनचे सदस्य आहेत. यावेळी गुणवंत एच. मिसलवाड यांनी आपले मनोगत व्यक्त
करुन बळीराम उबाळे यांना भावी आयुष्याच्या शुभेच्छा दिल्या.
यावेळी रुक्माजी पुयड, गजानन उबाळे (सरपंच), ज्ञानेश्वर उबाळे, पंकज उबाळे, तात्याराव उबाळे,
प्रल्हाद पाटील आदी उपस्थित होते